ವೆನ್ಯೂಗೆ ಸಖತ್ ಡಿಮಾಂಡ್

ಹ್ಯುಂಡೈ ವೆನ್ಯೂ ಕಾರಿಗೆ ಭಾರತೀಯ ಮಾರುಕಟ್ಟೆಯಲ್ಲಿ ಸಖತ್ ಡಿಮಾಂಡ್. 2019ನೇ​ ವರ್ಷ್ಯಾಂತಕ್ಕೆ ಬರೋಬ್ಬರಿ 1 ಲಕ್ಷ ಬುಕಿಂಗ್​ ಗುರಿ ಮುಟ್ಟಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಈಗಾಗಲೇ ತನ್ನ ನೂತನ ವೆನ್ಯೂ ಕಾರನ್ನು ದಕ್ಷಿಣ ಆಫ್ರಿಕಾದಲ್ಲೂ ಬಿಡುಗಡೆ ಮಾಡಿದೆ. 1,400 ಕಾರುಗಳನ್ನು ಕಂಪನಿ ರಫ್ತು ಮಾಡಿವೆ. ಲೆಫ್ಟ್ ಹ್ಯಾಂಡ್ ಚಾಲಿತ ಕಾರುಗಳನ್ನು ಅಭಿವೃದ್ಧಿ ಪಡಿಸುತ್ತಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಗಲ್ಫ್​, ಆಫ್ರಿಕನ್​ ಮತ್ತು ಅಮೆರಿಕ ದೇಶಗಳಿಗೂ ಈ ಮಾದರಿಗಳನ್ನು ರಫ್ತು ಮಾಡಲಾಗುವುದು ಎಂದು ಎಂದು ಕಂಪನಿ ಹೇಳಿಕೊಳ್ಳುತ್ತಿದೆ.

6.50 ಲಕ್ಷ ರೂ. ಬೆಲೆಯೊಂದಿಗೆ ವೆನ್ಯೂ ಕಾರನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. 11.11 ಲಕ್ಷ ರೂ.ವರೆಗಿನ ವೀರಿಯಂಟ್ ಗಳಿವೆ. ಪೆಟ್ರೋಲ್​ ಮತ್ತು ಡೀಸೆಲ್​ ಇಂಜಿನ್​ ಎರಡು ಆಯ್ಕೆಗಳಲ್ಲೂ ಹ್ಯುಂಡೈ ವೆನ್ಯೂ ಕಾರು ಲಭ್ಯವಿದೆ. ಬಿಎಸ್​4 ಇಂಜಿನ್​ಗಳನ್ನು ಪರಿಚಯಿಸಲಾಗಿದ್ದು, ಹೊಸ ಎಮಿಸನ್​ ನಿಯಮಗಳಿಗೆ ಅನುಗುಣವಾಗಿ ನವೀಕರಿಸಬೇಕಾಗಿದೆ. ಸದ್ಯಕ್ಕೆ ಕಂಪನಿಗೆ ಇದೊಂದು ಸವಾಲಾಗಿದ್ದು, ಅನಿವಾರ್ಯವಾಗಿ ಬಲಾವಣೆ ಮಾಡಿಕೊಳ್ಳಬೇಕಿದೆ.